Fyrstu skrefin í átt að betri fjárhagslegri heilsu

• Skipulag á fjármálunum

  Með því að vera með skipulag á fjármálunum og búa okkur til áætlun eru meiri líkur á því að við náum markmiðum okkar. Skoðaðu tekjur og útgjöld og athugaðu hvort þú getir sparað á einhverjum sviðum.

• Reglulegur sparnaður

  Með reglulegum sparnaði verður sparnaðurinn eðlilegur hluti af föstum mánaðarlegum greiðslum og líklegra að þú eigir fyrir óvæntum útgjöldum.

• Varasjóður

  Ef eitthvað kemur upp á og þú þarft að borga í hvelli er dýrt að taka lán og þá er betra að eiga til varasjóð sem hægt er að nota. Gott er að vera með varasjóð sem er aðskilinn frá öðrum sparnaði.

• Markmið
  Er verið að spara fyrir íbúð, efri árunum, fríi eða einhverju áhugamáli? Það getur verið sniðugt að hafa aðskilda reikninga fyrir hvert og eitt atriði og reikna síðan út hversu mikið þarf að spara í hverjum mánuði til að ná markmiðinu.

• Séreignarsparnaður

  Séreignarsparnaður er ein verðmætasta eign okkar við starfslok. Það eina sem þú þarft að gera er að leggja 2-4% af launum í séreignarsparnað og vinnuveitandi leggur til 2% mótframlag. Það er í raun 2% launahækkun ef þú samþykkir að spara smávegis.

• Endurfjármögnun

  Farðu yfir lánin og athugaðu hvort þú eigir möguleika á að endurfjármagna eða fá betri kjör annars staðar. Einnig getur verið gott að setja sér plan um að greiða aukalega inn á lán í hverjum mánuði.

• Yfirdráttur

  Að borga niður yfirdráttinn er ein besta leiðin til að spara pening til lengri tíma. Á endanum losnar þú við vaxtagreiðslur og átt meira á milli handanna til að setja til dæmis í reglulegan sparnað.

• Ráðgjöf

  Öll erum við með mismunandi áskoranir þegar kemur að persónulegum fjármálum. Við bjóðum upp á alhliða ráðgjöf og förum yfir þína fjármálastöðu – þér að kostnaðarlausu.