Vinnuumhverfið í Íslandsbanka er nútímalegt, sveigjanlegt og framsækið. Vinnuaðstaðan er fjölbreytt og sniðin að mismunandi verkefnum og þörfum starfsfólks hverju sinni. Þetta kallast verkefnamiðuð vinnuaðstaða.

Lögð er áhersla á sveigjanlegan vinnutíma, þar sem því verður við komið. Fjarvinna er valkvæð og starfsfólk sem kýs að vinna fjarvinnu gerir það í samráði við sinn stjórnanda og út frá skipulagi sem hentar hverju sinni. Fjarvinna er hluti af áherslum bankans til að minnka kolefnislosun sem hlýst af rekstrinum og hefur jákvæð áhrif á umhverfið.

Við leggjum okkur fram um að skapa umhverfi sem styður við heilsu, ánægju og vellíðan starfsfólks. Mikil áhersla er lögð á góð og uppbyggileg samskipti, liðsheild og heilbrigða vinnustaðamenningu. Starfsfólki hefur verið tryggt aðgengi að ýmiskonar þjónustu og er það hvatt til þess að nýta sér þau úrræði sem þeim standa til boða til þess að bæta heilsu sína og líðan. Sem dæmi má nefna sálfræðiþjónustu, læknisþjónustu, heilsufarsmælingu, inflúensusprautu, nudd á vinnutíma, líkamsræktarstyrk, samgöngustyrk, hollum mat og ýmsa heilsueflandi fræðslu.

Íslandsbanki býður starfsfólki að leggja sitt af mörkum til góðgerðarmála. Starfsfólk bankans geta varið einum vinnudegi á ári í þágu góðs málefnis. Með þessu móti vill bankinn rétta samfélagsverkefnum um land allt hjálparhönd. Bankinn leggur mikla áherslu á sjálfbærnismál og styður við heimsmarkmið Sameinuðu þjóðanna, bankinn tekur einnig þátt í stórum sem smáum verkefnum þar sem fjögur heimsmarkmið Sameinuðu þjóðanna eru höfð að leiðarljósi. En þau eru menntun fyrir alla, jafnrétti kynjanna, nýsköpun og uppbygging, aðgerðir í loftlagsmálum.
Sjá nánar um sjálfbærnistefnu.

Íslandsbanki heldur úti öflugu og faglegu fræðslustarfi og starfsfólki stendur margvísleg námskeið, fræðsluerindi og þjálfun til boða. Hluti námskeiða eru í umsjón starfsfólks. Þannig miðlum við sérþekkingu og heildin dafnar. Þarfagreining er unnin í samvinnu við starfsfólk og stjórnendur. Framboð námskeiða er gott og fjölbreytt og er starfsfólk hvatt til þess að afla sér nýrrar þekkingar og færni svo það megi hámarka árangur og vellíðan í starfi.

Íslandsbanki leggur ríka áherslu á að tryggja jafnrétti, fjölbreytileika og mannréttindi og býður öll velkomin, bæði viðskiptavini og starfsfólk. Jafnrétti er okkur hjartans mál en einn af styrkleikum bankans er mikil áhersla á jafnrétti kynjanna og að nýta til jafns þekkingu og hæfileika alls starfsfólks óháð kyni. Stefnt er að því að hafa hlutfall kynja sem jafnast á sviðum, deildum, nefndum, ráðum og stjórnum sem og í stjórnendastöðum.
Í dag eru kynjahlutföll stjórnenda jöfn. Allt starfsfólk, óháð kyni, á rétt á því að komið sé fram við það af virðingu og að það sæti ekki einelti, kynbundinni eða kynferðislegri áreitni.
Sjá nánar um jafnréttisstefnu.

Góð líðan starfsfólks, jákvæð samskipti og gagnkvæm virðing og traust ýtir undir góða liðsheild og samvinnu milli teyma og sviða. Við verjum hve mest af tímanum okkar í vinnunni og í frítíma og er því mikilvægt að tengja þessa tvo hluti, vinnu og frítíma saman. Bankinn og starfsmannafélagið stuðla að öflugu félagslífi. Við höldum fjölda viðburða ár hvert. Bankinn styður meðal annars við öflugt hópa- og klúbbastarf á vegum starfsfólks þar sem allt starfsfólk gegnir mikilvægu hlutverki við að skapa bestu liðsheildina.