Hvernig borga ég með sím­an­um?

1. Þegar þú kemur að posa aflæsir þú símanum með persónubundnum öryggisþætti (fingrafari, augnskanna eða lykilorði). 
2. Þú leggur símann að posanum.

Gott að vita

1. Tengja kort við Google Pay áður en greitt er með símanum.
2. Þú þarft ekki að opna Íslandsbankaappið.
3. Símtæki þarf að vera læst með persónubundnum öryggisþætti (fingrafar augnskanna eða lykilorði) til að geta virkjað snertilausar greiðslur.
4. Ef símtæki (ekki appinu) er aflæst með andlitskanna er ekki hægt að framkvæma snertilausar greiðslur á sumum tækjum þar sem Android telur auðkenningarleiðina ekki örugga. Slökktu á andlitskanna og notaðu aðra persónubundna öryggisþætti svo sem fingrafar, augnskanna eða lykilorð.
5. Símtæki þarf að hafa verið aflæst á síðustu mínútu svo snertilausargreiðslur fara í gegn.
6. Við vissar aðstæður gætir þú verið beðin(n/ið) um að auðkenna þig aftur með persónubundnum öryggisþætti.

Þú virkjar kortið í Garmin Connect eða Fitbit appinu.

Garmin

1. Þegar Garmin Connect appið er opnað, smellir þú á úrið sem vilt vilt virkja og velur Garmin Pay og velur þér lykilorð.
2. Næst velur þú Mastercard og slærð inn korta- og persónuupplýsingar.
3. Að lokum samþykkir þú skilmálana og færð sendan kóða á símanúmer sem þú hefur skráð hjá okkur. Kóðann slærð þú inn í appið og birtist þá mynd af þínu korti í appinu.

Leiðbeiningar (myndband á ensku)

Fitbit

1. Þegar Fitbit appið er opnað, smellir þú á úrið sem vilt vilt virkja og velur Fitbit veskið.
2. Veldu þér PIN númer fyrir greiðslur með úrinu. PIN númerið er notað þegar veskið í úrinu er opnað.
3. Næst velur þú Mastercard og slærð inn korta- og persónuupplýsingar.
4. Að lokum samþykkir þú skilmálana og færð sendan kóða á símanúmer sem þú hefur skráð hjá okkur. Kóðann slærð þú inn í appið og birtist þá mynd af þínu korti í appinu.

Leiðbeiningar (myndband á ensku)

Öryggi greiðslna með snjalltækjum

Greiðslur með símanum, úri eða öðrum snjalltækjum eru ávallt tengdar undirliggjandi greiðslukorti. Öll greiðslukort Íslandsbanka eru gefin út með heimild Mastercard. Snertilausar greiðslur með snjalltækjum eru einnig þróaðar í samvinnu við Mastercard og fylgja öllum þeim öryggiskröfum sem fyrirtækið setur.  Þegar kort er virkjað fyrir snertilausar greiðslur verður til sýndarnúmer (token) sem snjalltækið notar. Hið eiginlega kortanúmer er því ekki notað þegar greitt er, sem eykur öryggi snertilausra greiðslna. Til þess að geta notað síma sem greiðsluleið er nauðsynlegt að notendur noti viðeigandi öryggisstillingar til þess að aflæsa símtækinu, t.d. PIN númer eða fingrafar. Þegar um er að ræða greiðsluleið frá öðrum aðilum, t.d. Garmin og Fitbit er nauðsynlegt að fylgja þeim öryggisþáttum við sem krafist er við auðkenningu og staðfestingu á greiðslu.  Þar sem auðkenningarleið snjalltækis er nú nýtt sem staðfesting á greiðslu er mikilvægt að notendur gæti vel að sú auðkenningarleið sé ekki aðgengileg öðrum en notandanum sjálfum.