Lánaframboð

Við veitum verðtryggð, óverðtryggð eða blönduð húsnæðislán til kaupa eða endurfjármögnunar á húsnæði til eigin nota.

Gott er að prófa sig áfram með húsnæðislánareiknivél til að sjá hvernig dæmið lítur út.

Verðtryggt, óverðtryggt eða blandað lán

Eðli og eiginleikar mismunandi lánsforma. Gott er að prófa sig áfram í húsnæðislánareiknivélinni til þess að sjá hvernig lánsformin virka. Það er hægt að fá góða vísbendingu um hver heildarkostnaður og eignamyndun er eftir mismunandi lánsformum.

Óverðtryggt	Verðtryggt	Blandað lán
Eignamyndun er yfirleitt hraðari vegna þess að fjármagnskostnaður er að fullu greiddur á hverjum gjalddaga.	Verðtryggð lán breytast í samræmi við breytingu á vísitölu neysluverðs og leggjast verðbætur við höfuðstól.	Með blönduðu láni getur þú sameinað kosti ólíkra lánategunda.
Tvær tegundir lána, annars vegar með breytilegum vöxtum og hins vegar með föstum vöxtum fyrstu 3/5 ár lánstímans.	Eignamyndun er yfirleitt hægari vegna þess að hluti fjármagnskostnaðar bætist við höfuðstól lánsins og kemur til greiðslu á lánstímanum.	Þú getur haft hluta af fjármögnuninni á breytilegum vaxtakjörum og hluta með föstum vöxtum fyrstu ár lánstímans.
Greiðslubyrði lánsins er þyngri í upphafi en af verðtryggðum lánum.	Tvær tegundir lána, annars vegar með breytilegum vöxtum og hins vegar með föstum vöxtum út lánstíma, þar sem vextir eru endurskoðaðir á 5 ára fresti.	Þú getur skipt lánsfjárhæðinni upp í tvö eða fleiri lánsform. Þannig getur þú ráðið hlutfalli verðtryggðra og óverðtryggðra lána í þinni húsnæðisfjármögnun.
Hægt er að festa vexti aftur á óverðtryggðum húsnæðislánum til 3ja eða 5 ára með svokallaðri skilmálabreytingu.	Verðbætur eru eins og vextir sem leggjast við höfuðstól lánsins.	Með blönduðu húsnæðisláni má því dreifa vaxtaáhættu og velja bæði breytilega og tímabundna fasta vexti.

Húsnæðislánareiknivél

Bráðabirgðagreiðslumat

Lánin okkar

Óverðtryggð húsnæðislán lánstími til allt að 40 ára og verðtryggð húsnæðislán til 25 ára.
Fyrstu kaupendum stendur jafnframt til boða allt að 40 ára lánstími á verðtryggðum lánum.
Samningur um fasteignalán er tryggður með veði eða annarri sambærilegri tryggingu í íbúðarhúsnæði.
Þú getur valið á milli jafnra afborgana af höfuðstól og jafnra greiðslna (annuitet).
Breytingar á vöxtum, gengi erlendra gjaldmiðla eða vísitölu geta haft áhrif á heildarfjárhæð sem neytandi skal greiða.
Þú getur greitt inn á lánin eða greitt lánin upp í netbanka. Sjá leiðbeiningar
Við veitum fyrstu kaupendum stuðning alla leið og bjóðum upp á sérstakt aukalán að hámarki 3.000.000 kr. fyrir þá sem eru að kaupa húsnæði í fyrsta sinn. Sjá nánar fyrstu kaup

Fastir vextir eða breytilegir vextir?

Það getur verið snúið að velja hvort lánið eigi að bera fasta vexti eða breytilega.

Fastir vextir.	Breytilegir vextir.
Greiðslubyrði nokkuð stöðug.	Greiðslubyrði breytileg í samræmi við gildandi vexti á hverjum tíma.
Fastir vextir á óverðtryggðum lánum gilda í 3/5 ár frá útborgunardegi láns. Eftir þann tíma ber lánið breytilega vexti skv. vaxtatöflu.	Breytilegir vextir á óverðtryggðum lánum taka meðal annars mið af fjármögnunarkostnaði bankans og aðstæðum á markaði.
Fastir vextir á verðtryggðum lánum eru endurskoðaðir á 5 ára fresti.	Breytilegir vextir á verðtryggðum lánum taka meðal annars mið af fjármögnunarkostnaði bankans og aðstæðum á markaði.
Uppgreiðslugjald er á lánum á meðan það ber fasta vexti. Á þessu fastvaxtatímabili er þó hægt að greiða allt að 1.000.000 kr. aukalega inn á húsnæðislán á hverju ári án uppgreiðslugjalds.	Hægt er að greiða lánið upp hvenær sem er án uppgreiðslugjalds.

Veðhlutföll og lánsfjárhæð

Við veitum grunnlán sem nemur allt að 70% af fasteignamati. Lántakendum stendur einnig til boða að taka viðbótarlán upp í 80% af kaupverði íbúðarhúsnæðis. Sérstakar reglur gilda fyrir lán umfram 75 m.kr.

Við bjóðum upp á sérstakt aukalán að hámarki 3.000.000 kr. fyrir þá sem eru að kaupa húsnæði í fyrsta sinn. Lánið kemur til viðbótar við hefðbundna 80% húsnæðisfjármögnun af kaupverði en þó að hámarki að 85% af kaupverði íbúðarhúsnæðis.

Við endurfjármögnun lánum við 70% af fasteignamati.

Bókaðu tíma hjá ráðgjafa

Jafnar greiðslur eða jafnar afborganir?

Jafnar greiðslur	Jafnar afborganir
Greiðum um það bil sömu heildarupphæð í hverjum mánuði	Greiðum sömu upphæð beint á höfuðstólinn í hverjum mánuði
Mánaðarlegar greiðslur eru lægri í upphafi	Mánaðarlegar greiðslur eru hærri í upphafi