Borgaðu með Google Payᵀᴹ

Það er einfalt og þægilegt að borga með Google Pay. Tengdu Íslandsbankakortin þín við Google Wallet og borgaðu með Android símanum í næstu verslun hérlendis og erlendis.

Sækja Google Wallet

Skref fyrir skref

  1. Sæktu Google Wallet í Play Store sé það ekki þegar í símtæki.
  2. Opnaðu Íslandsbanka appið og finndu það kort sem á að bæta við Google Wallet.
  3. Ferlinu við að bæta kortum við í Google Wallet er ekki lokið fyrr en búið er að slá inn staðfestingarkóða sem berst með SMS. Ef staðfestingar SMS berst ekki byrjaðu á því að óska eftir að fá endursent SMS en ef það gengur ekki hafðu þá samband við okkur á netspjallinu.
  4. Google Wallet biður um að verða aðalgreiðslugátt tækisins þegar greitt er snertilaust. Hafi Íslandsbankaappið verið valið fyrir snertilausar greiðslur áður mun því vera skipt út fyrir Google Wallet við þessa breytingu. Google Wallet er því orðin samskiptaleiðin á milli tækis og posa fyrir greiðslu með kortinu þínu.
  5. Í Íslandsbankaappinu skoðar þú svo áfram yfirlit kortsins og notkun þess sem og framkvæmir allar aðgerðir fyrir kortið eins og breytingu á heimild og sækja um greiðsludreifingu.

Hvernig virkja ég kortið í Google Wallet

Þú getur tengt kortin þín við Google Pay í Íslandsbankaappinu. Athugaðu að þú þarft að vera með nýjustu útgáfu appsins.

Af hverju Google Wallet?

Google Wallet er alþjóðleg greiðslulausn sem er einföld, hraðvirk og örugg leið til að borga í verslunum með snjalltækjum. Við veljum samstarf við Google Wallet til þess að tryggja Android notendum betri og stöðugri lausn í snertilausum viðskiptum.

Þú tengir Íslandsbankakortið þitt við Google Wallet appið og greiðir því áfram með korti þínu enda er Google Wallet appið eingöngu að sjá um samskipti milli korts og posa.

Þegar greiðslukort er tengt við Google Wallet stofnast sýndarnúmer og þar af leiðandi er kortanúmerið þitt ekki vistað á tækinu eða á netþjónum Google.

Nánari upplýsingar um Google Wallet á vef Google

Leiðbeiningar

Íslands­banka­appið

Google Wallet

Wear OS snjallúr

Hnappur er við hvert kort sem aðstoðar við að bæta kortum við Google Wallet beint úr Íslandsbanka appinu.

Allar aðgerðir korts, kortayfirlit og notkun er áfram aðgengilegt í Íslandsbankaappinu og því best að breyta og skoða allt um kort áfram þar í gegn.

Þú bætir korti þínu við Google Wallet í gegnum Íslandsbankappið.

Eftir staðfestingu persónulegra- og kortaupplýsinga sem og greiðsluskilmála er Google Wallet greiðsluleiðin tilbúin

Google Wallet er samskiptagreiðsluleiðin fyrir kortin þín á milli síma og posa.

Þú getur tengt kortið þitt við Google Wallet svo framarlega sem það styður Wear OS útgáfu 2.0 stýrikerfisins eða hærri og er með NFC virkni.

Ath. að setja gæti þurft upp Google Wallet í úrinu sé það ekki til staðar.

Hvernig borga ég með Google Pay?

Þú getur borgað með Google Wallet með Android, Wear OS eða iOS tækinu þínum með öryggisnúmeri, fingrafaraskanna eða andlitsskanna eftir því hvað þitt tæki styður.

Til að borga með fingrafaraskanna aflæsirðu tækinu og heldur tækinu upp við posann og styður með fingrinum á fingrafaraskanna á tækinu þegar Google Wallet biður um það.

Til að borga með snjallúri opnar þú úrið með þeim öryggisþætti sem valinn hefur verið og leggur úrið að posanum.

Hvar get ég notað Google Wallet?

Í öllum posum sem styðja snertilausar greiðslur, bæði innanlands og erlendis.

Google Wallet og Google Pay eru vörumerki Google LLC.

Spurt og svarað