Stefna Íslandsbanka

Traustur og sjálfbær rekstur og skýr stefna eru grunnur að því að vera hreyfiafl í samfélaginu. Stefnan þarf þó stöðuga endurskoðun í takt við breytta tíma.

Nýr stefnuviti Íslandsbanka

Íslandsbanki leggur mikla áherslu á þátttöku starfsfólks í stefnumótun með árlegum stefnufundum, þar sem farið er yfir áherslur, markmið og leiðir til árangurs og stöðugrar framþróunar til að tryggja samkeppnishæfni.

Gildi Íslandsbanka mynda grunninn að menningu og stefnu bankans; þau leiðbeina ákvörðunum, hafa áhrif á hegðun og styðja við traustan og sjálfbæran rekstur.

Gildi Íslandsbanka

Framsækni

  • Við sýnum frumkvæði og leitum stöðugt nýrra lausna til að skapa virði fyrir viðskiptavini okkar. Við erum forvitin um nýja tækni og hvernig við nýtum hana til að bæta þjónustuupplifun. Við erum drífandi, sýnum hugrekki og látum hlutina gerast.

Samvinna

  • Við byggjum allt okkar starf á trausti og samvinnu. Við erum með viðskiptavinum okkar í liði og erum til staðar við stór tímamót á lífsleiðinni. Við erum lausnamiðuð og vinnum saman sem ein heild að markmiðum okkar, viðskiptavina og samfélagsins alls

Fagmennska

  • Við erum fagleg og vöndum til verka. Við hlustum á viðskiptavini okkar, setjum okkur vel inn í þeirra mál og miðlum af sérþekkingu okkar til að efla fjárhagslega heilsu þeirra.

Hreyfiafl

Hlutverk bankans er að vera hreyfiafl í íslensku samfélagi og skapa virði til framtíðar á sjálfbæran hátt fyrir viðskiptavini okkar, hluthafa, starfsfólk og samfélagið allt.

Fjárhagsleg heilsa

Í stefnu bankans er sérstök áhersla lögð á fjárhagslega heilsu viðskiptavina bankans, meðal annars með ráðgjöf, fræðslu og stuðningi við fjárhagslegar ákvarðanir.

Stefnuáherslur

Íslandsbanki hefur skilgreint fjórar stefnuáherslur sem styðja við markmið bankans og eru afurð stefnumótunarvinnu þvert á bankann.

Þjónusta og upplifun

Við viljum veita viðskiptavinum framúrskarandi og sérsniðna þjónustu sem eflir fjárhagslegri heilsu þeirra og skapar traust  og verðmæt langtímasambönd. Við leggjum höfuðáherslu á að greina og skilja þarfir ólíkra viðskiptavina til að mæta þörfum þeirra og bæta upplifun.  Við bjóðum notendavænar og  öruggar stafrænar fjármálalausnir fyrir allar daglegar þarfir og erum ávallt til staðar þegar viðskiptavinir þurfa flóknari þjónustu.

    Gagnadrifinn banki

    Við nýtum gögn, stafræna ferla og gervigreind til að sníða þjónustuna að þörfum viðskiptavina okkar. Með því að vera gagnadrifin tryggjum við skilvirkni og að gögn og greiningar séu undirstaða góðrar ákvarðanatöku.

      Arðbær vöxtur

      Við leitum stöðugt að vaxtartækifærum með arðsemi að leiðarljósi. Framsækni og nýsköpun eru í forgrunni, með áherslu á framþróun og verkefni sem hafa jákvæð áhrif á viðskiptavini okkar, hluthafa, starfsmenn og samfélagið í heild. Við bestum nýtingu eiginfjár og tryggjum þannig skilvirkni í rekstri bankans.

        Besta liðið

        Við viljum að Íslandsbanki sé eftirsóknarverður vinnustaður vaxtar. Við myndum saman frábæra liðsheild og hvetjandi starfsumhverfi sem kyndir undir sköpunarkraft og árangur. Við vinnum saman sem eitt lausnamiðað lið.