Sjálfbærnistefna og markmið

Íslandsbanki stefnir að því að rekstur bankans verði til fyrirmyndar í íslensku atvinnulífi og að bankinn sé hreyfiafl til góðra verka

Sjálfbærnistefna Íslandsbanka

Sjálfbærnistefna Íslandsbanka myndar heildstæðan ramma um starfsemi bankans á sviði sjálfbærni og markar jafnframt stefnu bankans varðandi rekstur, ábyrgar lánveitingar og fjárfestingar, innkaup og styrki.

Íslandsbanki stefnir á að vera leiðandi á sviði sjálfbærrar þróunar og hreyfiafl til góðra verka í samfélaginu. Þannig ætlar bankinn að eiga frumkvæði að víðtæku samstarfi um ábyrga viðskiptahætti sem stuðla að sjálfbærri þróun íslensks efnahagslífs og styðja við aðgerðaráætlun ríkisstjórnar Íslands í loftslagsmálum og um leið Parísarsamkomulagið og heimsmarkmið SÞ.

Samfélagslegt hlutverk fjármálafyrirtækja

Heimsmarkmið sameinuðu þjóðanna

Víðtækt samstarf um ábyrga viðskiptahætti

Heildstæður rammi um sjálfbærni

Rekstur Íslandsbanka verði til fyrirmyndar

Markmið Íslandsbanka er að rekstur hans verði til fyrirmyndar í íslensku atvinnulífi útfrá alþjóðlegum viðurkenndum viðmiðum um umhverfismál, félagslega þætti og stjórnarhætti (UFS eða sjálfbærniþættir). Bankinn horfir því til fjárhagslegra markmiða sem tengjast arðsemi og hagkvæmni, ásamt UFS-markmiðum í rekstri sínum:

Umhverfisleg viðmið fjalla um hvernig Íslandsbanki gætir að umhverfislegum áhrifum í starfsemi sinni og styður m.a. við heimsmarkmið SÞ um aðgerðir í loftslagsmálum.
Félagsleg viðmið lúta að því hvernig bankinn kemur fram við starfsfólk, birgja, viðskiptavini og samfélagið sem hann starfar í og styður þannig m.a. við heimsmarkmið SÞ um menntun fyrir alla, jafnrétti kynjanna og nýsköpun og uppbyggingu.
Stjórnarháttaviðmið snúa að stjórn bankans og stjórnendum, innra eftirliti og réttindum hluthafa.

Umhverfisþættir í rekstri

Félagslegir þættir

Stjórnarhættir

Íslandsbanki sem hreyfiafl til góðra verka

Íslandsbanki leggur áherslu á að sýna gott fordæmi með því að láta verkin tala og ávinna sér og viðhalda þannig trausti viðskiptavina og annarra hagaðila. Bankinn leitast eftir virkum samskiptum við hagaðila um ábyrga viðskiptahætti sem er ein af lykilforsendum þess að bankinn sé hreyfiafl til góðra verka. Bankinn hefur samþykkt sjálfbæran fjármálaramma utan um þau lán og fjárfestingar í eignasafni sínu sem flokkast sem sjálfbær samkvæmt rammanum. Einkum er horft til þeirrar umgjarðar hvað varðar þróun sjálfbærs vöruframboðs.

Ábyrgar lánveitingar

Ábyrgar fjárfestingar

Ábyrg innkaup

Styrkir

Sjálfbærnistefna Íslandsbanka, samþykkt af stjórn í október 2023 (pdf)

Sjálfbærnistefna Íslandsbanka, samþykkt af stjórn í október 2023 (pdf)

Sjö sjálfbærnimarkmið sett til ársins 2025

Einingar bankans koma að setningu tímasettra og mælanlegra markmiða ásamt aðgerðaráætlun

Sjálfbærnimarkmið til 2025	Tenging við Heimsmarkmið SÞ
Kolefnishlutleysi að fullu fyrir árið 2040	Aðgerðir í loftlagsmálum
Bjóða upp á sjálfbært vöruframboð	Menntun fyrir alla Jafnrétti kynjanna Nýsköpun og uppbyggingu Aðgerðir í loftslagsmálum
Hvetja til fjölbreytileika og þátttöku allra með vöruframboði*	Jafnrétti kynjanna
Fjölbreytileiki og þátttaka allra á vinnustað*	Menntun fyrir alla Jafnrétti kynjanna
Samstarf við birgja og samstarfsaðila sem beita sér fyrir sjálfbærni	Menntun fyrir alla Jafnrétti kynjanna Nýsköpun og uppbyggingu Aðgerðir í loftslagsmálum
Mæla sjálfbærniáhættu, skilgreina ábyrgð á málaflokk og auka við upplýsingagjöf	Menntun fyrir alla Jafnrétti kynjanna Nýsköpun og uppbyggingu Aðgerðir í loftslagsmálum
Styðja við fjögur af heimsmarkmiðum SÞ	Menntun fyrir alla Jafnrétti kynjanna Nýsköpun og uppbyggingu Aðgerðir í loftslagsmálum

*Uppfærð markmið fyrir 2025 sem endurspegla aukna áherslu á vöru og þjónustuframboð sem hvetur til fjölbreytileika og þátttöku allra

Sjálfbærnimarkmið ársins 2024