Styrkir

Við viljum vera jákvætt hreyfiafl í nærsamfélaginu og styðja við verkefni sem stuðla að heimsmarkmiðunum fjórum sem bankinn vinnur eftir. Þau eru: aðgerðir í loftslagsmálum, jafnrétti kynjanna, menntun fyrir alla og nýsköpun og uppbygging.

Styrkjanefnd bankans afgreiðir allar styrkumsóknir en aðrar styrkveitingar eru auglýstar sérstaklega:

Frumkvöðlasjóður

Við veitum styrki árlega á haustin til frumkvöðla og styðjum þannig við uppbyggingu á fjölbreyttu atvinnulífi.

Góð­gerða­mál

Við erum aðal stuðningsaðili Reykjavíkurmaraþons og fórum af stað með Hlaupastyrk þar sem góðgerðarfélög geta safnað áheitum. Þetta er stærsta góðgerðarsöfnun landsins þar sem hátt í tvö hundruð félög safna áheitum árlega.

Starfsfólk bankans hefur undanfarin ár tekið þátt í Hjálparhönd en þá veitir hver starfsmaður góðgerðarfélagi aðstoð einn dag á ári en um 400 starfsmenn bankans taka þátt á hverju ári.  

Umsókn um styrk

Við styðjum við valin verkefni sem efla samfélagið og vernda umhverfið með því að styrkja fólk, félagasamtök og fyrirtæki sem stuðla að jákvæðri samfélagsþróun.

Nokkur atriði sem ber að hafa í huga áður en þú sækir um styrk:

• Bankinn styrkir ekki félög, fyrirtæki eða einstaklinga til ferðalaga, hvort heldur sem er innanlands eða til útlanda.
• Bankinn styrkir ekki stjórnmálasamtök eða einstök framboð, hvorki á vegum samtaka né einstaklinga.
• Bankinn kostar vefinn www.hlaupastyrkur.is og leggur góðgerðafélögum gott lið með því starfi. Vill styrktarnefnd bankans hvetja góðgerðafélög í landinu til að safna hlaupurum til að hlaupa í sínu nafni í Reykjavíkurmaraþoni Íslandsbanka, og safna áheitum á vef Hlaupastyrks.
• Við viljum vera jákvætt hreyfiafl í nærsamfélaginu og því styðjum við verkefni sem stuðla að heimsmarkmiðunum fjórum og þeirra undirmarkmiðum sem bankinn vinnur eftir. Þau eru: aðgerðir í loftslagsmálum, jafnrétti kynjanna, menntun fyrir alla og nýsköpun og uppbygging. Nánari upplýsingar um heimsmarkmiðin.

Vegna fjölda umsókna sem berast okkur gefst því miður ekki færi á að svara þeim öllum. Ef svar berst ekki innan 3ja mánaða hefur beiðni þinni því miður verið hafnað.