Tilkynning um meint misferli


Ef þú hefur glatað kortinu þínu eða hefur grun um óheimilar færslur á kortinu hafðu samband við ráðgjafaver Íslandsbanka í síma 440 4000, sem er opið í síma frá klukkan 9-16 og netspjalli frá 9-17 alla virka daga. Utan opnunartíma er hægt að hafa samband við neyðarþjónustu Íslandsbanka í síma 440 4000. Þú getur lokað kortinu þínu eða fryst það í appinu til að forðast frekari misnotkun á kortinu.

Íslandsbanki lítur misferli mjög alvarlegum augum. Við hvetjum þig til að láta vita ef þú hefur vitneskju eða grun um hugsanlegt misferli sem tengist starfsemi bankans á einhvern hátt. Þar með aðstoðar þú við að upplýsa um brot sem valdið geta viðskiptavinum, almenningi, bankanum og atvinnulífi miklu tjóni. Tilkynning um misferli þarf að byggja á rökstuddum grun, sem þarf þó ekki að vera hafinn yfir allan vafa.

Móttaka misferlistilkynninga fer í gegnum kerfið WhistleB sem er sérstaklega aðgreint frá öðrum upplýsingakerfum bankans og vistað utan hans. Kerfið er sérstaklega hannað með tilliti til verndunar tilkynnanda og þeirra tilkynninga sem þangað berast, en veitir jafnframt möguleika á áframhaldandi samskiptum við þá sem kjósa að njóta nafnleyndar. Kerfið er mjög einfalt í notkun og leiðir tilkynnanda áfram. Til að tryggja nafnleynd er starfsmönnum bent á að skrá ekki tilkynningar í gegnum tölvubúnað sem tengist netkerfi bankans. Einungis misferlisteymi innri endurskoðunar bankans mun hafa aðgang að skráðum málum.

Hægt er að nálgast kerfið hér á þessari slóð (afrita þarf slóðina) https://report.whistleb.com/is/islandsbanki

Reglur Íslandsbanka um meðferð gruns um misferli (pdf)

End­urkrafa á færslu

Það gæti verið færsla á kortinu þínu sem þú kannast ekki við eða vara sem þú ert búinn að kaupa en hefur ekki skilað sér. Kortaviðskipti er örugg leið til viðskipta en einstaka sinnum getur eitthvað komið upp á og erum við þá þér innan handar. Við bendum þér á að byrja á því að reyna að leysa málið með seljanda/þjónustuaðila og ef það gengur ekki aðstoðum við þig með endurkröfuferlið.  

Athugið að endurkröfuferlið getur tekið allt að þrjá til fjóra mánuði.

Nánar um endurkröfuferli